Wehshat Aagin Hai Fasaana Meri Ruswai Ka
Aashiq Zaar Hun Ik Aa Huay Sehraai Ka

Paaon Zindaan Se Na Nikla Tere Saudai Ka
Daagh Dil Mein Hi Raha Laala Sehraai Ka

Bosaa e Chashm e Ghazalaan Mujhe Yaad Aatay Hain
Nahi Bhoola Mein Maza Maiwa Sehraai Ka

Yehi Zanjeer Ke Naalay Se Sadaa Aati Hai
Qaid Khane Mein Bura Haal Hai Saudai Ka

Ik Pari Ko Bhi Na Sheeshay Mein Utara Mein Ne
Yaad Kia Aye Ga Us Gunbad Meenai Ka

Shehar Mein Qaafiya Paimaai Bohat Ki Aatish
Ab Iraada Hai Mera Baadiya Paimaai Ka